විදුහල්පති පණිවිඩය

උතුරුමැද පළාතේ ඇති දීප්තිමත් පාසලක් වන අප පාසලේ  සිසු දරුවන් කලාප, පළාත් මෙන්ම ජාතික
මට්ටමේ ජයග්‍රහණ රාශියකට උරුමකම් කියන අතර, පාසලෙන් බිහි වූ කීර්තිමත් ආදි සිසුන් ද බොහොමයකි.
අද වන විට ඔවුන් රටේ ඉහළ තැන්වන තනතුරු දරමින් රට දැය වෙනුවෙන් සුවිශේෂි මෙහෙවරක් ඉටු කරති.

පාසල සතුව පරිගණක ඒකක දෙකක් පවතින අතර 06 ශ්‍රෙණ්යේ සිටම සිසු දරු දුරියන් තොරතුරු හා සන්නිවේදන තාක්ෂණ විෂය හදාරන බැවින්  පාසල තොරතුරු තාක්ෂණ අංශයෙන් ද පසුගිය වසර පුරා විශාල දියුණුවක් අත්කරගෙන ඇත.

සයිබර් ලොවට පියාපත් කණ්ඩායමේ මගපෙන්වීම හා නියාමනය යටතේ නිර්මාණය වූ  මෙම වෙබ් අඩවිය ඵලදායී ලෙස යොදා ගැනීමට හැකි වනු ඇතැයි මා විශ්වාස කරමි. අප විද්‍යාලය සමග සම්බන්ධ සියළු පාර්ශවයන්ට අප පාසල් බෙව් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනය කර සිටිමි.

මෙම කර්තව්‍ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින වර්ධනය වේවා යි ප්‍රාර්ථනා කරමි.

විදුහල්පති,‍

පො/  පලුගස්දමන මහා විද්‍යාලය.